Gautam Adani in Defence Sector : ਏਸ਼ੀਆ ਦੇ ਸਭ ਤੋਂ ਅਮੀਰ ਅਰਬਪਤੀ ਗੌਤਮ ਅਡਾਨੀ ਇੱਕ ਹੋਰ ਖੇਤਰ ਵਿੱਚ ਕਦਮ ਰੱਖਣ ਜਾ ਰਹੇ ਹਨ। ਅਡਾਨੀ ਐਂਟਰਪ੍ਰਾਈਜਿਜ਼ ਨੇ ਡਿਫੈਂਸ ਕਾਰੋਬਾਰ ਵਿੱਚ ਹੱਥ ਅਜਮਾਉਣ ਲਈ ਬੁਲਗੇਰੀਅਨ ਆਰਮਕੋ
Gautam Adani in Defence Sector : ਏਸ਼ੀਆ ਦੇ ਸਭ ਤੋਂ ਅਮੀਰ ਅਰਬਪਤੀ ਗੌਤਮ ਅਡਾਨੀ ਇੱਕ ਹੋਰ ਖੇਤਰ ਵਿੱਚ ਕਦਮ ਰੱਖਣ ਜਾ ਰਹੇ ਹਨ। ਅਡਾਨੀ ਐਂਟਰਪ੍ਰਾਈਜਿਜ਼ ਨੇ ਡਿਫੈਂਸ ਕਾਰੋਬਾਰ ਵਿੱਚ ਹੱਥ ਅਜਮਾਉਣ ਲਈ ਬੁਲਗੇਰੀਅਨ ਆਰਮਕੋ JSC ਨਾਲ ਇੱਕ ਸੰਯੁਕਤ ਉੱਦਮ ਦੀ ਡੀਲ ਕੀਤੀ ਹੈ। ਅਡਾਨੀ ਗਰੁੱਪ ਨੇ ਕਿਹਾ ਕਿ ਸਹਾਇਕ ਕੰਪਨੀ ਅਗਿਆ ਸਿਸਟਮ ਲਿਮਟਿਡ (ਏਐਸਐਲ) ਨੇ ਆਰਮਾਕੋ ਜੇਐਸਸੀ ਨਾਲ 56:44 ਦੇ ਅਨੁਪਾਤ ਵਿੱਚ ਆਰਮਾਕੋ ਜੇਐਸਸੀ ਨਾਲ ਡੀਲ ਕੀਤੀ ਹੈ।
ਅਡਾਨੀ ਗਰੁੱਪ ਨੇ ਕਿਹਾ ਕਿ ਏਐਸਐਲ ਕੋਲ 56 ਪ੍ਰਤੀਸ਼ਤ ਹਿੱਸੇਦਾਰੀ ਹੈ, ਜਦਕਿ ਆਰਮਾਕੋ ਜੇਐਸਸੀ ਦੀ ਬਾਕੀ 44 ਪ੍ਰਤੀਸ਼ਤ ਹਿੱਸੇਦਾਰੀ ਹੈ। ਇੱਕ ਰੈਗੂਲੇਟਰੀ ਫਾਈਲਿੰਗ ਵਿੱਚ ਅਡਾਨੀ ਐਂਟਰਪ੍ਰਾਈਜਿਜ਼ ਨੇ ਕਿਹਾ ਕਿ ਆਤਮਨਿਰਭਰ ਭਾਰਤ ਮਿਸ਼ਨ ਦੇ ਤਹਿਤ ਕੰਪਨੀ ਭਾਰਤੀ ਬਲਾਂ ਲਈ ਕਈ ਤਰ੍ਹਾਂ ਦੇ ਉਤਪਾਦਾਂ ਅਤੇ ਪੁਰਜ਼ਿਆਂ ਦਾ ਨਿਰਮਾਣ ਕਰੇਗੀ ਅਤੇ ਦੇਸ਼ ਨੂੰ ਸਵੈ-ਨਿਰਭਰ ਮਿਸ਼ਨ ਵੱਲ ਲੈ ਜਾਵੇਗੀ।
ਗੌਤਮ ਅਡਾਨੀ ਨੇ 10 ਰੁਪਏ ‘ਤੇ ਖਰੀਦੇ ਸ਼ੇਅਰ
ਕੰਪਨੀ ਦੁਆਰਾ ਸਾਂਝੇ ਕੀਤੇ ਗਏ ਦਸਤਾਵੇਜ਼ ਦੇ ਅਨੁਸਾਰ ਅਡਾਨੀ ਇੰਟਰਪ੍ਰਾਈਜਿਜ਼ ਨੇ ਇਸ ਵਿੱਚ 10 ਰੁਪਏ ਪ੍ਰਤੀ ਸ਼ੇਅਰ ਦੇ ਹਿਸਾਬ ਨਾਲ 5600 ਇਕਵਿਟੀ ਸ਼ੇਅਰ ਖਰੀਦੇ ਹਨ। ਕਾਰੋਬਾਰ ਸਾਂਝੇ ਉੱਦਮ ਵਿੱਚ ਕੀਤਾ ਜਾਵੇਗਾ। ਐਕਸਚੇਂਜ ਫਾਈਲਿੰਗ ਦੇ ਅਨੁਸਾਰ ਕੰਪਨੀ ਗੁਜਰਾਤ ਵਿੱਚ ਰਜਿਸਟਰਡ ਹੈ ਅਤੇ ਇਸਦਾ ਕਾਰੋਬਾਰ ਦਾ ਸਥਾਨ ਅਹਿਮਦਾਬਾਦ ਵਿੱਚ ਹੈ। ਹੁਣ ਇਹ ਕੰਪਨੀ ਅਡਾਨੀ ਗਰੁੱਪ ਨਾਲ ਮਿਲ ਕੇ ਕਾਰੋਬਾਰ ਕਰੇਗੀ।
ਸਭ ਤੋਂ ਵੱਡਾ FPO ਲੈ ਕੇ ਆ ਰਹੇ ਗੌਤਮ ਅਡਾਨੀ
ਦੁਨੀਆ ਦੇ ਤੀਜੇ ਸਭ ਤੋਂ ਅਮੀਰ ਵਿਅਕਤੀ ਗੌਤਮ ਅਡਾਨੀ ਦੀ ਮਲਕੀਅਤ ਵਾਲੀ ਅਡਾਨੀ ਐਂਟਰਪ੍ਰਾਈਜ਼ਜ਼ ਇਸ ਮਹੀਨੇ ਦੇ ਅੰਤ ਵਿੱਚ ਫਾਲੋ-ਆਨ ਪੇਸ਼ਕਸ਼ ਰਾਹੀਂ $2.5 ਬਿਲੀਅਨ ਜੁਟਾਉਣ ਲਈ ਤਿਆਰ ਹੈ। ਹਾਲਾਂਕਿ ਇਸਦੀ ਤਰੀਕ ਅਜੇ ਸਾਹਮਣੇ ਨਹੀਂ ਆਈ ਹੈ ਪਰ ਉਮੀਦ ਕੀਤੀ ਜਾ ਰਹੀ ਹੈ ਕਿ ਇਹ FPO ਬਜਟ ਤੋਂ ਪਹਿਲਾਂ ਆ ਸਕਦਾ ਹੈ। ਇਹ ਦੇਸ਼ ਦਾ ਸਭ ਤੋਂ ਵੱਡਾ FPO ਹੋਵੇਗਾ।