Stock Market Opening: ਬੈਂਕਿੰਗ ਸ਼ੇਅਰਾਂ ਦੇ ਸਮਰਥਨ ਨਾਲ ਬਾਜ਼ਾਰ ਉੱਪਰ ਵੱਲ ਜਾ ਰਿਹਾ ਹੈ ਅਤੇ ਹਫਤੇ ਦੇ ਪਹਿਲੇ ਦਿਨ ਘਰੇਲੂ ਬਾਜ਼ਾਰ ‘ਚ ਚੰਗੀ ਸ਼ੁਰੂਆਤ ਹੋਈ ਹੈ।
Stock Market Opening: ਭਾਰਤੀ ਸ਼ੇਅਰ ਬਾਜ਼ਾਰ ਦੀ ਰਫ਼ਤਾਰ ਅੱਜ ਤੇਜ਼ ਹੈ ਅਤੇ ਬਾਜ਼ਾਰ ਦੀ ਸ਼ੁਰੂਆਤ ‘ਚ ਚੰਗਾ ਉਛਾਲ ਦੇਖਣ ਨੂੰ ਮਿਲਿਆ ਹੈ। ਬੈਂਕਿੰਗ ਸ਼ੇਅਰਾਂ ਦੇ ਸਪੋਰਟ ਨਾਲ ਬਾਜ਼ਾਰ ਉੱਪਰ ਜਾ ਰਿਹਾ ਹੈ। ਅੱਜ ਬਜ਼ਾਰ ਦੀ ਸ਼ੁਰੂਆਤ ‘ਚ 1500 ਸ਼ੇਅਰਾਂ ਦੀ ਤੇਜ਼ੀ ਨਾਲ ਕਾਰੋਬਾਰ ਹੋ ਰਿਹਾ ਹੈ ਅਤੇ ਇੰਡੀਗੋ ਦਾ ਸ਼ੇਅਰ ਸਾਲ ਦੇ ਸਭ ਤੋਂ ਉੱਚੇ ਪੱਧਰ ‘ਤੇ ਪਹੁੰਚ ਗਿਆ ਹੈ। ਯੈੱਸ ਬੈਂਕ ਵੀ 7 ਫੀਸਦੀ ਚੜ੍ਹਿਆ ਹੈ ਜਦਕਿ ਬੀਐਸਈ ਸਟਾਕ ਮਾਰਕੀਟ ਖੁੱਲ੍ਹਣ ਤੋਂ ਬਾਅਦ 16 ਫੀਸਦੀ ਤੱਕ ਡਿੱਗ ਗਿਆ ਹੈ।
ਕਿਵੇਂ ਦੀ ਰਹੀ ਬਜ਼ਾਰ ਦੀ ਓਪਨਿੰਗ
ਬੀਐਸਈ ਦਾ ਸੈਂਸੈਕਸ 252.59 ਅੰਕ ਜਾਂ 0.34 ਫੀਸਦੀ ਦੇ ਵਾਧੇ ਨਾਲ 73,982.75 ‘ਤੇ ਖੁੱਲ੍ਹਿਆ ਅਤੇ ਐਨਐਸਈ ਦਾ ਨਿਫਟੀ 55.60 ਅੰਕ ਜਾਂ 0.25 ਫੀਸਦੀ ਦੇ ਵਾਧੇ ਨਾਲ 22,475 ‘ਤੇ ਖੁੱਲ੍ਹਿਆ।
ਇਹ ਵੀ ਪੜ੍ਹੋ: STOCK MARKET HIGH: ਸੈਂਸੈਕਸ ਨੇ ਛੂਹਿਆ ALL-TIME HIGH LEVEL, 63588 ਦਾ ਬਣਾਇਆ ਨਵਾਂ ਰਿਕਾਰਡ
ਸੈਂਸੈਕਸ ਨਿਫਟੀ ਦੇ ਸ਼ੇਅਰਾਂ ਦਾ ਹਾਲ
ਬੀਐਸਈ ਸੈਂਸੈਕਸ ਦੇ 30 ਵਿੱਚੋਂ 27 ਸਟਾਕਾਂ ਵਿੱਚ ਚੰਗਾ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ ਅਤੇ ਸਿਰਫ 3 ਸਟਾਕਾਂ ਵਿੱਚ ਗਿਰਾਵਟ ਆਈ ਹੈ। ਸੈਂਸੈਕਸ ‘ਚ ਮਜ਼ਬੂਤ ਵਾਧੇ ‘ਚ ਬੈਂਕਿੰਗ ਸ਼ੇਅਰਾਂ ਦੀ ਵੱਡੀ ਭੂਮਿਕਾ ਹੈ। ਇਸ ਦੇ ਨਾਲ ਹੀ NSE ਨਿਫਟੀ ਦੇ 40 ਵਿੱਚੋਂ 42 ਸ਼ੇਅਰ ਵਧ ਰਹੇ ਹਨ ਅਤੇ 8 ਸ਼ੇਅਰਾਂ ਵਿੱਚ ਗਿਰਾਵਟ ਆ ਰਹੀ ਹੈ।
ਸੈਂਸੈਕਸ ਦੇ ਸ਼ੇਅਰਾਂ ਦਾ ਵੱਡਾ ਅਪਡੇਟ
ਟੈੱਕ ਮਹਿੰਦਰਾ 1.80 ਫੀਸਦੀ ਅਤੇ ICICI ਬੈਂਕ 1.75 ਫੀਸਦੀ ਚੜ੍ਹੇ ਹਨ। ਅਲਟ੍ਰਾਟੈੱਕ ਸੀਮੈਂਟ ‘ਚ 1.27 ਫੀਸਦੀ, ਮਾਰੂਤੀ ‘ਚ 1.26 ਫੀਸਦੀ ਦਾ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਇੰਡਸਇੰਡ ਬੈਂਕ 1.16 ਫੀਸਦੀ ਅਤੇ NTPC ਦਾ ਸ਼ੇਅਰ 1.15 ਫੀਸਦੀ ‘ਤੇ ਕਾਰੋਬਾਰ ਕਰ ਰਿਹਾ ਹੈ। ਡਿੱਗਣ ਵਾਲੇ ਸਟਾਕਾਂ ‘ਚ ਆਈਟੀਸੀ, ਬਜਾਜ ਫਿਨਸਰਵ, ਐੱਮਐਂਡਐੱਮ ਅਤੇ ਐੱਚਸੀਐੱਲ ਟੈਕ ਦੇ ਸ਼ੇਅਰਾਂ ‘ਚ ਗਿਰਾਵਟ ਦਰਜ ਕੀਤੀ ਜਾ ਰਹੀ ਹੈ।
