ਲੁਧਿਆਣਾ : ਗੁਰੂ ਅੰਗਦ ਦੇਵ ਵੈਟਰਨਰੀ ਅਤੇ ਐਨੀਮਲ ਸਾਇੰਸਜ਼ ਯੂਨੀਵਰਸਿਟੀ, ਲੁਧਿਆਣਾ ਦੇ ਵਨ ਪੰਜਾਬ ਰਿਮਾਊਂਟ ਐਂਡ ਵੈਟਰਨਰੀ ਐਨਸੀਸੀ ਸਕਵੈਡਰਨ ਵਿੱਚ ਸਿਖਲਾਈ ਲੈਣ ਵਾਲੇ ਕੈਡੇਟ ਭਾਵੇਸ਼ ਕੌਂਡਲ ਨੇ ਸਰਵਿਸਿਜ਼ ਸਿਲੈਕਸ਼ਨ ਬੋਰਡ (SSB) ਪਾਸ ਕਰ ਲਿਆ ਹੈ। ਉਨ੍ਹਾਂ ਨੂੰ ਭਾਰਤੀ ਫੌਜ ਦੇ ਰਿਮਾਊਂਟ ਅਤੇ ਵੈਟਰਨਰੀ ਕੋਰ ਵਿੱਚ ਕੈਪਟਨ ਵਜੋਂ ਕਮਿਸ਼ਨ ਮਿਲੇਗਾ।
ਭਾਵੇਸ਼ ਨੇ 2023 ਵਿੱਚ ਵੈਟਰਨਰੀ ਸਾਇੰਸ ਕਾਲਜ ਤੋਂ ਬੈਚਲਰ ਆਫ ਵੈਟਰਨਰੀ ਸਾਇੰਸ ਐਂਡ ਐਨੀਮਲ ਹਸਬੈਂਡਰੀ ਦੀ ਡਿਗਰੀ ਪ੍ਰਾਪਤ ਕੀਤੀ ਸੀ ਅਤੇ ਇਸ ਸਮੇਂ ਉਤਰਾਖੰਡ ਦੇ ਇੱਕ ਐਨਜੀਓ ਵਿੱਚ ਵੈਟਰਨਰੀ ਸਰਜਨ ਵਜੋਂ ਸੇਵਾ ਕਰ ਰਹੇ ਸਨ। ਉਨ੍ਹਾਂ ਦੀ ਚੋਣ ਪ੍ਰਯਾਗਰਾਜ ਵਿਖੇ 18 ਐੱਸਐੱਸਬੀ ਤੋਂ ਹੋਈ ਹੈ। ਹੁਣ ਉਹ ਆਰਵੀਸੀ ਸੈਂਟਰ ਅਤੇ ਕਾਲਜ, ਮੇਰਠ ਵਿੱਚ ਮੁੱਢਲੀ ਫੌਜੀ ਸਿਖਲਾਈ ਪ੍ਰਾਪਤ ਕਰਨਗੇ।