ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਦੀ ਨਿਆਂ ਪ੍ਰਣਾਲੀ ਨੂੰ ਹੋਰ ਮਜ਼ਬੂਤ ਬਣਾਉਂਦੇ ਹੋਏ, ਕੇਂਦਰ ਸਰਕਾਰ ਨੇ 10 ਨਵੇਂ ਵਾਧੂ ਜੱਜਾਂ ਦੀ ਨਿਯੁਕਤੀ ਮਨਜ਼ੂਰ ਕਰ ਲਈ ਹੈ। ਇਹ ਨਿਯੁਕਤੀਆਂ ਰਾਸ਼ਟਰਪਤੀ ਨੇ ਸੰਵਿਧਾਨ ਦੀ ਧਾਰਾ 224 ਅਨੁਸਾਰ, ਭਾਰਤ ਦੇ ਮੁੱਖ ਨਿਆਧੀਸ਼ ਨਾਲ ਸਲਾਹ ਮਸ਼ਵਰਾ ਕਰਨ ਤੋਂ ਬਾਅਦ ਕੀਤੀਆਂ ਹਨ।ਸੁਪਰੀਮ ਕੋਰਟ ਕਾਲਜੀਅਮ ਦੀ ਸਿਫ਼ਾਰਸ਼ ‘ਤੇ ਅੱਜ ਰਾਸ਼ਟਰਪਤੀ ਵੱਲੋਂ 10 ਸੈਸ਼ਨ ਜੱਜਾਂ ਨੂੰ ਹਾਈ ਕੋਰਟ ਵਿੱਚ ਵਾਧੂ ਜੱਜ ਵਜੋਂ ਨਿਯੁਕਤ ਕੀਤਾ ਗਿਆ ਹੈ।
ਇਹ ਹਨ ਨਵੇਂ ਨਿਯੁਕਤ ਜੱਜਾਂ ਦੇ ਨਾਮ:
- ਵਰਿੰਦਰ ਅਗਰਵਾਲ
- ਮਨਦੀਪ ਪੰਨੂ
- ਪ੍ਰਮੋਦ ਗੋਇਲ
- ਸ਼ਾਲਿਨੀ ਸਿੰਘ ਨਾਗਪਾਲ
- ਅਮਰਿੰਦਰ ਸਿੰਘ ਗਰੇਵਾਲ
- ਸੁਭਾਸ਼ ਮੇਹਲਾ
- ਸੂਰਿਆ ਪ੍ਰਤਾਪ ਸਿੰਘ
- ਰੁਪਿੰਦਰਜੀਤ ਚਾਹਲ
- ਅਰਾਧਨਾ ਸਾਹਨੀ
- ਯਸ਼ਵੀਰ ਸਿੰਘ ਰਾਠੌਰ
ਇਹ ਨਵੇਂ ਜੱਜ ਅਗਲੇ ਇੱਕ-ਦੋ ਦਿਨਾਂ ਵਿੱਚ ਹਾਈ ਕੋਰਟ ਦੇ ਮੁੱਖ ਜੱਜ ਕੋਲੋਂ ਅਹੁਦੇ ਦੀ ਸਹੁੰ ਲੈਣਗੇ।
ਹਾਈ ਕੋਰਟ ‘ਚ ਕਿੰਨੇ ਜੱਜ?
ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਵਿੱਚ ਕੁੱਲ 85 ਜੱਜਾਂ ਦੀਆਂ ਅਸਾਮੀਆਂ ਹਨ, ਪਰ ਇਸ ਵੇਲੇ ਸਿਰਫ਼ 49 ਜੱਜ ਕੰਮ ਕਰ ਰਹੇ ਹਨ। ਨਵੀਆਂ ਨਿਯੁਕਤੀਆਂ ਤੋਂ ਬਾਅਦ ਇਹ ਗਿਣਤੀ 59 ਹੋ ਜਾਵੇਗੀ, ਹਾਲਾਂਕਿ ਅਜੇ ਵੀ 26 ਅਸਾਮੀਆਂ ਖਾਲੀ ਰਹਿਣਗੀਆਂ।