ਹੋਂਡਾ ਮੋਟਰਸਾਈਕਲ ਐਂਡ ਸਕੂਟਰ ਇੰਡੀਆ ਵੀ ਆਪਣੇ ਬ੍ਰਾਂਡ ਦੇ ਤਹਿਤ ਪਹਿਲੀ ਫਲੈਕਸ ਫਿਊਲ ਇੰਜਣ ਕਾਰ ਲਿਆਉਣ ਦੇ ਪ੍ਰੋਜੈਕਟ ‘ਤੇ ਕੰਮ ਕਰਨ ਜਾ ਰਹੀ ਹੈ। ਸਾਲ 2024 ਦੇ ਅੰਤ ਤੱਕ ਫਲੈਕਸ-ਫਿਊਲ ਮੋਟਰਸਾਈਕਲਾਂ ਨੂੰ ਪੇਸ਼ ਕਰਨ ਦਾ ਐਲਾਨ ਕੀਤਾ ਹੈ।
Honda Future Bike: ਕਾਰ ਤੋਂ ਬਾਅਦ ਹੁਣ ਦੋਪਹੀਆ ਵਾਹਨ ਨਿਰਮਾਤਾ ਕੰਪਨੀਆਂ ਵੀ ਪੈਟਰੋਲ ਇੰਜਣ ਨਾਲ ਦੋ-ਦੋ ਹੱਥ ਕਰਨ ਦੇ ਮੂਡ ‘ਚ ਹਨ। ਹਾਲ ਹੀ ‘ਚ ਟੋਇਟਾ ਨੇ ਇੱਕ ਪਾਇਲਟ ਪ੍ਰੋਜੈਕਟ ਦੇ ਤਹਿਤ ਦੇਸ਼ ਦੀ ਪਹਿਲੀ ਫਲੈਕਸ ਫਿਊਲ ਕਾਰ ਲਾਂਚ ਕੀਤੀ ਹੈ। ਹੁਣ ਦੋਪਹੀਆ ਮੋਟਰਸਾਈਕਲ ਨਿਰਮਾਤਾ ਕੰਪਨੀ ਹੋਂਡਾ ਮੋਟਰਸਾਈਕਲ ਐਂਡ ਸਕੂਟਰ ਇੰਡੀਆ (HMSI) ਵੀ ਆਪਣੇ ਬ੍ਰਾਂਡ ਦੇ ਤਹਿਤ ਪਹਿਲੀ ਫਲੈਕਸ ਫਿਊਲ ਇੰਜਣ ਕਾਰ ਲਿਆਉਣ ਦੇ ਪ੍ਰੋਜੈਕਟ ‘ਤੇ ਕੰਮ ਕਰਨ ਜਾ ਰਹੀ ਹੈ। ਹੋਂਡਾ ਨੇ ਸਾਲ 2024 ਦੇ ਅੰਤ ਤੱਕ ਫਲੈਕਸ-ਫਿਊਲ ਮੋਟਰਸਾਈਕਲਾਂ ਨੂੰ ਪੇਸ਼ ਕਰਨ ਦਾ ਐਲਾਨ ਕੀਤਾ ਹੈ।
ਸਰਕਾਰ ਕਰੇਗੀ ਮਦਦ
ਫਲੈਕਸ ਫਿਊਲ (ਪੈਟਰੋਲ ਅਤੇ ਈਥਾਨੌਲ) ਤੋਂ ਚੱਲਣ ਵਾਲੇ ਵਾਹਨਾਂ ਨੂੰ ਸਰਕਾਰ ਮਦਦ ਦੇ ਕੇ ਇਸ ਨੂੰ ਉਤਸ਼ਾਹਿਤ ਕਰਨ ਦੀ ਨੀਤੀ ‘ਤੇ ਕੰਮ ਕਰ ਰਹੀ ਹੈ। ਈ-10 ਲੈਵਲ ਮਤਲਬ ਈਂਧਨ ‘ਚ ਪੈਟਰੋਲ ਦੇ ਨਾਲ 10 ਫ਼ੀਸਦੀ ਈਥਾਨੋਲ ਮਿਲਾਇਆ ਜਾਣਾ। ਈ-20 ਦਾ ਮਤਲਬ ਫਲੈਕਸ ਈਂਧਨ ‘ਚ 20 ਫ਼ੀਸਦੀ ਈਥਾਨੋਲ ਮਿਲਾਇਆ ਜਾਣਾ ਹੈ। ਪੈਟਰੋਲੀਅਮ ਮੰਤਰੀ ਹਰਦੀਪ ਪੁਰੀ ਮੁਤਾਬਕ, “ਮੈਨੂੰ ਲੱਗਦਾ ਹੈ ਕਿ ਸਾਨੂੰ ਵੱਖ-ਵੱਖ ਕੀਮਤ ਪੱਧਰਾਂ ‘ਤੇ ਫਲੈਕਸ ਫਿਊਲ ਵਾਹਨ ਮੁਹੱਈਆ ਕਰਵਾਉਣ ਦੀ ਲੋੜ ਹੈ। ਇਸ ‘ਚ ਦੋਪਹੀਆ ਵਾਹਨ ਅਤੇ ਤਿੰਨ ਪਹੀਆ ਵਾਹਨ ਵੀ ਸ਼ਾਮਲ ਹਨ। ਇਸ ਦੇ ਨਾਲ ਹੀ ਸਾਨੂੰ ਜਲਦੀ ਹੀ ਇਹ ਆਪਸ਼ਨ ਉਪਲੱਬਧ ਕਰਵਾਉਣਾ ਹੋਵੇਗਾ।”
ਹਾਲ ਹੀ ‘ਚ ਜਾਪਾਨੀ ਕਾਰ ਨਿਰਮਾਤਾ ਕੰਪਨੀ ਟੋਇਟਾ ਨੇ ਪਾਇਲਟ ਪੱਧਰ ‘ਤੇ ਫਲੈਕਸ-ਫਿਊਲ ਹਾਈਬ੍ਰਿਡ ਕਾਰ ਪੇਸ਼ ਕੀਤੀ ਹੈ। ਇਹ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਇਸ ਨਾਲ ਮਿਕਸਡ ਫਿਊਲ ਦੀ ਜਲਤ ਸ਼ੁਰੂਆਤ ਹੋਣ ‘ਚ ਕਾਫੀ ਮਦਦ ਮਿਲ ਸਕਦੀ ਹੈ। ਪੈਟਰੋਲ ਪੰਪਾਂ ‘ਤੇ ਰੈਗੂਲਰ ਈਂਧਨ ਵਾਂਗ ਹੀ ਫਲੈਕਸ-ਫਿਊਲ ਵੀ ਮਿਲੇਗਾ। ਇਸ ਦੇ ਲਈ ਕਿਸੇ ਵੀ ਤਰ੍ਹਾਂ ਦਾ ਵੱਖਰਾ ਬੁਨਿਆਦੀ ਢਾਂਚਾ ਤਿਆਰ ਕਰਨ ਦੀ ਲੋੜ ਨਹੀਂ ਪਵੇਗੀ।
ਫਲੈਕਸ-ਈਂਧਨ ਅਤੇ ਪੈਟਰੋਲ ਵਿਚਕਾਰ ਅੰਤਰ
ਫਲੈਕਸ-ਈਂਧਨ ਮਤਲਬ ਨਾ ਤਾਂ ਪੈਟਰੋਲ ਅਤੇ ਨਾ ਡੀਜ਼ਲ, ਕੋਈ ਤੀਜਾ ਈਂਧਨ, ਜਿਸ ਕਾਰਨ ਭਾਰਤ ‘ਚ ਵਾਹਨ ਚਲਾਉਣ ਦੀਆਂ ਸੰਭਾਵਨਾਵਾਂ ਦਾ ਪਤਾ ਲਗਾਇਆ ਜਾ ਰਿਹਾ ਹੈ। ਫਲੈਕਸ-ਫਿਊਲ ‘ਚ ਪੈਟਰੋਲ ਅਤੇ ਈਥਾਨੋਲ ਦਾ ਮਿਸ਼ਰਣ ਹੁੰਦਾ ਹੈ। ਪਰ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਕਿ ਈਂਧਨ ਨੂੰ ਮਿਲਾਉਣ ਦੀ ਬਜਾਏ ਭਾਰਤ ‘ਚ ਈਥਾਨੋਲ ਨਾਲ ਚੱਲਣ ਵਾਲੀਆਂ ਕਾਰਾਂ ਅਤੇ ਇਸ ਨਾਲ ਸਬੰਧਤ ਉਤਪਾਦਨ ‘ਤੇ ਤੇਜ਼ੀ ਨਾਲ ਕੰਮ ਕੀਤਾ ਜਾਵੇ ਤਾਂ ਜੋ ਬਾਲਣ ਦੀ ਲਾਗਤ ਅਤੇ ਪ੍ਰਦੂਸ਼ਣ ਦੋਵਾਂ ਨੂੰ ਘੱਟ ਕੀਤਾ ਜਾ ਸਕੇ।
