ਚੀਨੀ ਮੋਬਾਈਲ ਕੰਪਨੀ ਦੇ ਭਾਰਤ ਵਿੱਚ OPPO ਇੰਡੀਆ ਦੇ ਕਈ ਟਿਕਾਣਿਆਂ ‘ਤੇ ਡਾਇਰੈਕਟੋਰੇਟ ਆਫ ਰੈਵੇਨਿਊ ਇੰਟੈਲੀਜੈਂਸ ਨੇ ਛਾਪੇਮਾਰੀ ਕਰਨ ਦੀ ਖਬਰ ਸਾਹਮਣੇ ਆਈ ਹੈ। ਰਿਪੋਰਟਾਂ ਮੁਤਾਬਕ 4389 ਕਰੋੜ ਰੁਪਏ ਦੀ ਕਸਟਮ ਡਿਊਟੀ ਚੋਰੀ ਦਾ ਪਤਾ ਲੱਗਾ ਹੈ। ਡੀਆਰਆਈ ਨੇ ਹਾਲ ਹੀ ਵਿੱਚ ਟੈਕਸ ਚੋਰੀ ਲਈ ਛਾਪੇਮਾਰੀ ਤੇਜ਼ ਕੀਤੀ ਹੈ। ਕੁਝ ਦਿਨ ਪਹਿਲਾਂ ਚੀਨੀ ਕੰਪਨੀਆਂ ਦੇ ਦਫਤਰਾਂ ‘ਤੇ ਵੀ ਛਾਪੇਮਾਰੀ ਕੀਤੀ ਗਈ ਸੀ। ਰਿਪੋਰਟਾਂ ਮੁਤਾਬਕ ਸਰਚ ਆਪਰੇਸ਼ਨ ਦੌਰਾਨ ਓਪੋ ਇੰਡੀਆ ਦੇ ਦਫਤਰਾਂ ਦੇ ਨਾਲ ਮੈਨੇਜਮੈਂਟ ਨਾਲ ਜੁੜੇ ਅਹੁਦੇਦਾਰਾਂ ਦੇ ਘਰਾਂ ‘ਤੇ ਵੀ ਤਲਾਸ਼ੀ ਮੁਹਿੰਮ ਚਲਾਈ ਗਈ।
ਮਿਲੀ ਜਾਣਕਾਰੀ ਮੁਤਾਬਕ ਕੰਪਨੀ ਨੇ ਕਮਾਈ ਦਾ ਗਲਤ ਅੰਕੜਾ ਪੇਸ਼ ਕੀਤਾ ਸੀ ਅਤੇ ਇਸ ਕਾਰਨ ਓਪੋ ਇੰਡੀਆ ਨੇ ਗਲਤ ਤਰੀਕੇ ਨਾਲ ਡਿਊਟੀ ਵਿੱਚ ਛੋਟ ਹਾਸਲ ਕੀਤੀ ਸੀ। ਇਹ ਰਕਮ 2,981 ਕਰੋੜ ਰੁਪਏ ਹੈ। ਡੀਆਰਆਈ ਦੀ ਕਾਰਵਾਈ ਵਿੱਚ ਕੰਪਨੀ ਦੀ ਮੈਨੇਜਮੈਂਟ ਅਤੇ ਸਪਲਾਇਰ ਨਾਲ ਸਬੰਧਤ ਅਧਿਕਾਰੀਆਂ ਤੋਂ ਪੁੱਛਗਿੱਛ ਕੀਤੀ ਗਈ ਹੈ।
ਰਿਪੋਰਟਾਂ ਮੁਤਾਬਕ ਓਪੋ ਇੰਡੀਆ ਦੇ ਮੈਨੇਜਮੈਂਟ ਕਰਮਚਾਰੀ ਅਤੇ ਘਰੇਲੂ ਸਪਲਾਇਰ ਨੇ ਡੀਆਰਆਈ ਦੇ ਸਾਹਮਣੇ ਕਈ ਵੱਡੀਆਂ ਗੱਲਾਂ ਦਾ ਇਕਬਾਲ ਕੀਤਾ ਹੈ। ਆਪਣੇ ਬਿਆਨ ਵਿੱਚ ਕਰਮਚਾਰੀਆਂ ਅਤੇ ਸਪਲਾਇਰ ਨੇ ਕਸਟਮ ਡਿਊਟੀ ਨਾਲ ਜੁੜੀਆਂ ਗਲਤੀਆਂ ਨੂੰ ਮੰਨਿਆ ਹੈ।
ਵੀਵੋ ਕੰਪਨੀ ਦੀ ਤਰ੍ਹਾਂ ਓਪੋ ਇੰਡੀਆ ਦੇ ਐਕਸ਼ਨ ‘ਚ ਰਾਇਲਟੀ ਅਤੇ ਲਾਇਸੈਂਸ ਫੀਸ ਦੀ ਗੱਲ ਸਾਹਮਣੇ ਆਈ ਹੈ। ਓਪੋ ਇੰਡੀਆ ਨੇ ਕਈ ਮਲਟੀਨੈਸ਼ਨਲ ਕੰਪਨੀਆਂ, ਇੱਥੋਂ ਤੱਕ ਕਿ ਚੀਨ ਵਿੱਚ ਕੰਮ ਕਰਨ ਵਾਲੀਆਂ ਕੰਪਨੀਆਂ ਨੂੰ ਰਾਇਲਟੀ ਅਤੇ ਲਾਇਸੈਂਸ ਫੀਸਾਂ ਦਾ ਭੁਗਤਾਨ ਕੀਤਾ ਹੈ। ਇਹ ਭੁਗਤਾਨ ਮਲਕੀਅਤ ਤਕਨੀਕ, ਬ੍ਰਾਂਡ ਅਤੇ ਆਈਪੀਆਰ ਲਾਇਸੈਂਸ ਫੀਸ ਲਈ ਕਰਨ ਦਾ ਮਾਮਲਾ ਜਾਂਚ ਵਿੱਚ ਸਾਹਮਣੇ ਆਇਆ ਹੈ।
You may also like
-
PM ਮੋਦੀ 24 ਅਗਸਤ ਨੂੰ ਪੰਜਾਬ ਆਉਣਗੇ , ‘ਆਪ’ ਸਰਕਾਰ ‘ਚ ਪਹਿਲਾ ਦੌਰਾ
-
ਭਾਰਤ ਬਾਇਓਟੈਕ ਦਾ ਤੀਜਾ ਟ੍ਰਾਇਲ ਵੀ ਸਫ਼ਲ ਹੁਣ ਨੱਕ ਰਾਹੀਂ ਦਿੱਤੀ ਜਾਏਗੀ ਕੋਰੋਨਾ ਦੀ ਬੂਸਟਰ ਖੁਰਾਕ
-
PM Narendra Modi Lal Qila Speech in Independence Day: ਅੱਜ ਲਾਲ ਕਿਲ੍ਹੇ ‘ਤੇ ਭਾਸ਼ਣ ਦੌਰਾਨ ਕੀ ਬੋਲੇ ਪ੍ਰਧਾਨ ਮੰਤਰੀ ਮੋਦੀ, ਪੜ੍ਹੋ 10 ਵੱਡੀਆਂ ਗੱਲਾਂ
-
Encouraged to Vaccinate: ਬੂਸਟਰ ਡੋਜ਼ ਲੈਣ ਵਾਲਿਆਂ ਲਈ ਪੇਸ਼ ਕੀਤੀ ਵਿਸ਼ੇਸ਼ ਪੇਸ਼ਕਸ਼ PM ਮੋਦੀ ਨੂੰ ਪਸੰਦ ਆਇਆ ‘ਛੋਲੇ ਭਟੂਰੇ ਵਾਲੇ’ ਦਾ ਫੰਡਾ,
-
ਮਨ ਕੀ ਬਾਤ ‘ਚ ਬੋਲੇ PM ਮੋਦੀ ‘ਨੇ ਕੀਤੀ ਅਪੀਲ, 15 ਅਗਸਤ ਤੱਕ ਆਪਣੇ ਸੋਸ਼ਲ ਮੀਡੀਆ ਡੀਪੀ ‘ਤੇ ਲਗਾਓ ਤਿਰੰਗਾ ‘ ‘ਅਜ਼ਾਦੀ ਦੇ 75 ਸਾਲ ਹੋ ਰਹੇ ਪੂਰੇ ,