Deadly Road Of India: ਅੱਜ ਅਸੀਂ ਤੁਹਾਨੂੰ ਅਜਿਹੀ ਸੜਕ ਬਾਰੇ ਦੱਸਣ ਜਾ ਰਹੇ ਹਾਂ, ਜੋ ਕਿ ਬਹੁਤ ਹੀ ਖੂਬਸੂਰਤ ਜਗ੍ਹਾ ‘ਤੇ ਹੈ। ਪਰ ਇਹ ਜਿੰਨੀ ਖੂਬਸੂਰਤ ਹੈ, ਉਨਾ ਹੀ ਮੁਸ਼ਕਿਲਾ ਹੈ ਇੱਥੋ ਮੁੜ ਕੇ ਆਉਣਾ।
ਇਸ ਸੜਕ ‘ਤੇ ਜਾਣ ਦਾ ਮਤਲਬ 12 ਹਜ਼ਾਰ ਫੁੱਟ ਦੀ ਉਚਾਈ ‘ਤੇ ਜਾਨ ਨੂੰ ਹਥੇਲੀ ‘ਤੇ ਰੱਖਣਾ ਹੈ। ਆਓ ਅੱਜ ਤੁਹਾਨੂੰ ਦੇਸ਼ ਦੀ ਸਭ ਤੋਂ ਖਤਰਨਾਕ ਸੜਕ ਬਾਰੇ ਕੁਝ ਹੈਰਾਨੀਜਨਕ ਗੱਲਾਂ ਦੱਸਦੇ ਹਾਂ।
ਇਹ ਰਸਤਾ ਜੰਮੂ-ਕਸ਼ਮੀਰ ਦੇ ਜੋਜਿਲਾ ਨੇੜੇ ਹੈ। ਇਹ ਭਾਰਤ ਦੇ ਸਭ ਤੋਂ ਖਤਰਨਾਕ ਰਸਤਿਆਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ। ਜੋਜਿਲਾ ਪਾਸ ਨੂੰ ਦੁਨੀਆ ਦੇ ਸਭ ਤੋਂ ਖਤਰਨਾਕ ਰੂਟਾਂ ਵਿੱਚ ਗਿਣਿਆ ਜਾਂਦਾ ਹੈ। ਇਹ ਰਾਸ਼ਟਰੀ ਰਾਜਮਾਰਗ 1D ‘ਤੇ ਹੈ ਅਤੇ ਸ਼੍ਰੀਨਗਰ ਨੂੰ ਲੇਹ ਨਾਲ ਜੋੜਦਾ ਹੈ। ਇਸ ਰਸਤੇ ਨੂੰ ਜ਼ੋਖਮ ਭਰਿਆ ਕਿਹਾ ਜਾਂਦਾ ਹੈ ਕਿਉਂਕਿ ਇਹ ਬਹੁਤ ਉੱਚਾ ਹੈ ਅਤੇ ਇਸ ਦੇ ਇੱਕ ਪਾਸੇ ਡੂੰਘੀ ਖੱਡ ਹੈ।
ਜ਼ੋਜਿਲਾ ਪਾਸ ਸਮੁੰਦਰ ਤਲ ਤੋਂ ਲਗਭਗ 3528 ਮੀਟਰ ਦੀ ਉਚਾਈ ‘ਤੇ ਹੈ ਯਾਨੀ 11575 ਫੁੱਟ ਦੀ ਉਚਾਈ ‘ਤੇ ਹੈ। ਸ਼੍ਰੀਨਗਰ ਦੇ ਰਸਤੇ ਸੋਨਮਾਰਗ ਜਾਣ ਲਈ ਜੋਜਿਲਾ ਪਾਸ ਤੋਂ ਲੰਘਣਾ ਪੈਂਦਾ ਹੈ। ਜੋਜਿਲਾ ਪਾਸ ਦੀ ਕੁੱਲ ਲੰਬਾਈ ਲਗਭਗ 9 ਕਿਲੋਮੀਟਰ ਹੈ, ਫਿਰ ਵੀ ਇਸਨੂੰ ਪਾਰ ਕਰਨ ਵਿੱਚ ਅਕਸਰ ਘੰਟੇ ਲੱਗ ਜਾਂਦੇ ਹਨ।
ਇਹ ਰਸਤਾ ਸਰਦੀਆਂ ਵਿੱਚ ਬੰਦ ਹੋ ਜਾਂਦਾ ਹੈ ਕਿਉਂਕਿ ਭਾਰੀ ਬਰਫ਼ਬਾਰੀ ਕਾਰਨ ਇੱਥੇ ਬਰਫ਼ ਦੀ ਮੋਟੀ ਚਾਦਰ ਜੰਮ ਜਾਂਦੀ ਹੈ। ਜਿਸ ਕਾਰਨ ਇਸ ਦੌਰਾਨ ਲੱਦਾਖ ‘ਚ ਕਈ ਸਮਾਨ ਦੀ ਸਪਲਾਈ ਪ੍ਰਭਾਵਿਤ ਹੁੰਦੀ ਹੈ।
ਬਰਸਾਤ ਦੇ ਮੌਸਮ ਵਿੱਚ ਇਹ ਸੜਕ ਸਭ ਤੋਂ ਵੱਧ ਖ਼ਤਰਨਾਕ ਬਣ ਜਾਂਦੀ ਹੈ, ਇਸ ਮੌਸਮ ਵਿੱਚ ਪੱਧਰੀ ਹੋਣ ਕਾਰਨ ਇਹ ਸੜਕ ਤਿਲਕਣ ਹੋ ਜਾਂਦੀ ਹੈ ਅਤੇ ਇਸ ਦੇ ਨਾਲ ਹੀ ਜ਼ਮੀਨ ਖਿਸਕਣ ਦਾ ਖ਼ਤਰਾ ਵੀ ਵੱਧ ਜਾਂਦਾ ਹੈ।