ਜਲੰਧਰ (ਵੈੱਬ ਡੈਸਕ) – ਜੇ ਤੁਸੀਂ ਵੀ ਘੁੰਮਣ-ਫਿਰਣ ਦਾ ਸੋਚ ਰਹੇ ਹੋ ਤਾਂ ਇਹ ਖ਼ਬਰ ਤੁਹਾਡੇ ਲਈ ਖਾਸ ਹੈ। ਅਗਸਤ ਮਹੀਨਾ ਪੰਜਾਬ ਵਿੱਚ ਛੁੱਟੀਆਂ ਨਾਲ ਭਰਪੂਰ ਰਹੇਗਾ। ਇਸ ਵਾਰ ਬੱਚਿਆਂ ਅਤੇ ਸਰਕਾਰੀ ਕਰਮਚਾਰੀਆਂ ਲਈ ਖਾਸ ਖ਼ੁਸ਼ਖਬਰੀ ਹੈ, ਕਿਉਂਕਿ ਤਿੰਨ ਦਿਨ ਦੀ ਲਗਾਤਾਰ ਛੁੱਟੀ ਮਿਲਣ ਵਾਲੀ ਹੈ।
ਪੰਜਾਬ ਸਰਕਾਰ ਦੇ ਛੁੱਟੀਆਂ ਦੇ ਕੈਲੰਡਰ ਮੁਤਾਬਕ 15, 16 ਅਤੇ 17 ਅਗਸਤ ਨੂੰ ਸਰਕਾਰੀ ਛੁੱਟੀ ਰਹੇਗੀ। 15 ਅਗਸਤ (ਸ਼ੁੱਕਰਵਾਰ) ਨੂੰ ਆਜ਼ਾਦੀ ਦਿਵਸ ਦੇ ਮੌਕੇ ਤੇ ਰਾਸ਼ਟਰੀ ਛੁੱਟੀ ਹੋਵੇਗੀ। 16 ਅਗਸਤ (ਸ਼ਨੀਵਾਰ) ਨੂੰ ਜਨਮ ਅਸ਼ਟਮੀ ਦਾ ਤਿਉਹਾਰ ਮਨਾਇਆ ਜਾਵੇਗਾ, ਜੋ ਕਈ ਥਾਵਾਂ ‘ਤੇ ਜਨਤਕ ਛੁੱਟੀ ਦੇ ਤੌਰ ਤੇ ਮਨਾਈ ਜਾਂਦੀ ਹੈ। ਇਸ ਤੋਂ ਬਾਅਦ 17 ਅਗਸਤ (ਐਤਵਾਰ) ਹਫ਼ਤਾਵਾਰੀ ਛੁੱਟੀ ਹੋਵੇਗੀ।
ਇਸ ਤਰ੍ਹਾਂ ਸਕੂਲ, ਕਾਲਜ, ਸਰਕਾਰੀ ਦਫ਼ਤਰਾਂ ਨਾਲ ਨਾਲ ਬੈਂਕ ਵੀ ਤਿੰਨ ਦਿਨ ਲਈ ਬੰਦ ਰਹਿਣਗੇ। ਲੰਬੇ ਵੀਕਐਂਡ ਦਾ ਇਹ ਮੌਕਾ ਕਾਫ਼ੀ ਸਮੇਂ ਬਾਅਦ ਆ ਰਿਹਾ ਹੈ, ਇਸ ਲਈ ਲੋਕ ਇਸਦਾ ਪੂਰਾ ਆਨੰਦ ਮਾਣ ਸਕਦੇ ਹਨ।