stock market 2022

ਧੜੰਮ ਕਰਕੇ ਡਿੱਗਿਆ ਸ਼ੇਅਰ ਬਾਜ਼ਾਰ ਖੁੱਲ੍ਹਦਿਆਂ ਹੀ , ਨਿਵੇਸ਼ਕਾਂ ‘ਚ ਮੱਚੀ ਹਾਹਾਕਾਰ |

Stock Market: ਸਟਾਕ ਮਾਰਕੀਟ ‘ਚ ਜ਼ਬਰਦਸਤ ਗਿਰਾਵਟ ਦੇ ਸੰਕੇਤ ਪ੍ਰੀ-ਓਪਨਿੰਗ ‘ਚ ਹੀ ਮਿਲੇ। ਇਸ ਦੀ ਬੇਹੱਦ ਖਰਾਬ ਸ਼ੁਰੂਆਤ ਨੇ ਨਿਵੇਸ਼ਕਾਂ ਦੀ ਘਬਰਾਹਟ ਵਧਾ ਦਿੱਤੀ। ਸੈਂਸੈਕਸ 1200 ਤੋਂ ਵੱਧ ਅੰਕਾਂ ਦੀ ਗਿਰਾਵਟ ਨਾਲ ਖੁੱਲ੍ਹਿਆ ਹੈ

Stock Market: ਗਲੋਬਲ ਸੰਕੇਤਾਂ ਦੀ ਕਮਜ਼ੋਰੀ ਦਾ ਅਸਰ ਘਰੇਲੂ ਸ਼ੇਅਰ ਬਾਜ਼ਾਰ ‘ਤੇ ਦੇਖਣ ਨੂੰ ਮਿਲ ਰਿਹਾ ਹੈ। ਅੱਜ ਸ਼ੇਅਰ ਬਾਜ਼ਾਰ ਦੀ ਸ਼ੁਰੂਆਤ ਬੇਹੱਦ ਖਰਾਬ ਰਹੀ। ਸੈਂਸੈਕਸ 1200 ਤੋਂ ਵੱਧ ਅੰਕ ਡਿੱਗ ਕੇ ਖੁੱਲ੍ਹਿਆ ਹੈ ਤੇ ਨਿਫਟੀ ਸ਼ੁਰੂਆਤੀ ਮਿੰਟਾਂ ਵਿੱਚ ਹੀ 17 ਹਜ਼ਾਰ ਤੋਂ ਹੇਠਾਂ ਖਿਸਕ ਗਿਆ। ਏਬੀਜੀ ਸ਼ਿਪਯਾਰਡ ਵੱਲੋਂ 28 ਬੈਂਕਾਂ ਨਾਲ 22842 ਕਰੋੜ ਰੁਪਏ ਦੀ ਧੋਖਾਧੜੀ ਦੇ ਮਾਮਲੇ ਨੇ ਬੈਂਕਿੰਗ ਸਟਾਕਾਂ ਨੂੰ ਝਟਕਾ ਦਿੱਤਾ ਹੈ। ਇਹ ਘੁਟਾਲਾ ਬੈਂਕਿੰਗ ਸਟਾਕਾਂ ‘ਤੇ ਜ਼ਬਰਦਸਤ ਨਕਾਰਾਤਮਕ ਪ੍ਰਭਾਵ ਦਿਖਾ ਰਿਹਾ ਹੈ।

ਸਟਾਕ ਮਾਰਕੀਟ ‘ਚ ਜ਼ਬਰਦਸਤ ਗਿਰਾਵਟ ਦੇ ਸੰਕੇਤ ਪ੍ਰੀ-ਓਪਨਿੰਗ ‘ਚ ਹੀ ਮਿਲੇ। ਇਸ ਦੀ ਬੇਹੱਦ ਖਰਾਬ ਸ਼ੁਰੂਆਤ ਨੇ ਨਿਵੇਸ਼ਕਾਂ ਦੀ ਘਬਰਾਹਟ ਵਧਾ ਦਿੱਤੀ। ਸੈਂਸੈਕਸ 1200 ਤੋਂ ਵੱਧ ਅੰਕਾਂ ਦੀ ਗਿਰਾਵਟ ਨਾਲ ਖੁੱਲ੍ਹਿਆ ਹੈ ਤੇ ਨਿਫਟੀ ਨੇ ਸ਼ੁਰੂਆਤ ਵਿੱਚ ਹੀ 340 ਅੰਕਾਂ ਦੀ ਗਿਰਾਵਟ ਦਰਜ ਕੀਤੀ ਗਈ। ਪਿਛਲੇ ਕਾਰੋਬਾਰੀ ਹਫਤੇ ‘ਚ ਸ਼ੇਅਰ ਬਾਜ਼ਾਰ 58,152 ਦੇ ਪੱਧਰ ‘ਤੇ ਬੰਦ ਹੋਇਆ ਸੀ। 

ਖੁੱਲ੍ਹਣ ਦੇ 15 ਮਿੰਟਾਂ ਦੇ ਅੰਦਰ ਹੀ ਗਿਰਾਵਟ ਵਧੀ
ਨਿਫਟੀ ‘ਚ ਢਾਈ ਫੀਸਦੀ ਦੀ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ ਤੇ ਇਹ ਬਾਜ਼ਾਰ ਖੁੱਲ੍ਹਣ ਦੇ 15 ਮਿੰਟਾਂ ‘ਚ ਹੀ 400 ਅੰਕ ਟੁੱਟਣ ਦੇ ਨੇੜੇ ਆ ਗਿਆ ਹੈ। ਨਿਫਟੀ ਫਿਲਹਾਲ 16983 ਦੇ ਪੱਧਰ ‘ਤੇ ਨਜ਼ਰ ਆ ਰਿਹਾ ਹੈ ਤੇ ਇਹ 391.70 ਅੰਕ ਫਿਸਲ ਗਿਆ ਹੈ।

ਪ੍ਰੀ-ਓਪਨਿੰਗ ਵਿੱਚ ਮਾਰਕੀਟ
ਪ੍ਰੀ-ਓਪਨਿੰਗ ‘ਚ ਬਾਜ਼ਾਰ ਦੀ ਹਾਲਤ ਬਹੁਤ ਖਰਾਬ ਹੈ। ਸੈਂਸੈਕਸ ‘ਚ 1432 ਅੰਕਾਂ ਦੀ ਜ਼ਬਰਦਸਤ ਗਿਰਾਵਟ ਦਰਜ ਕੀਤੀ ਗਈ ਹੈ ਤੇ ਇਹ 56720 ਦੇ ਪੱਧਰ ‘ਤੇ ਕਾਰੋਬਾਰ ਕਰ ਰਿਹਾ ਹੈ। ਨਿਫਟੀ 1.72 ਫੀਸਦੀ ਜਾਂ 298.60 ਅੰਕ ਦੀ ਗਿਰਾਵਟ ਨਾਲ 17076 ਦੇ ਪੱਧਰ ‘ਤੇ ਕਾਰੋਬਾਰ ਕਰ ਰਿਹਾ ਹੈ।

Leave a Reply

Your email address will not be published.