ਅਰਬਪਤੀ ਐਲਨ ਮਸਕ ਆਰਟੀਫੀਸ਼ੀਅਲ ਇੰਟੈਲੀਜੈਂਸ-ਏਆਈ ਦੇ ਖੇਤਰ ਵਿੱਚ ਮਾਈਕ੍ਰੋਸਾਫਟ ਅਤੇ ਗੂਗਲ ਨੂੰ ਟੱਕਰ ਦੇਣ ਲਈ ਇੱਕ ਏਆਈ ਪਲੇਟਫਾਰਮ ਵੀ ਲਾਂਚ ਕਰਨਗੇ। ਇੱਕ ਨਿਊਜ਼ ਚੈਨਲ ‘ਤੇ ਪ੍ਰਸਾਰਿਤ ਇੱਕ ਇੰਟਰਵਿਊ ਵਿੱਚ ਮਸਕ ਨੇ ਇਸ AI ਪਲੇਟਫਾਰਮ ਦਾ ਨਾਮ ‘TruthGPT’ ਰੱਖਿਆ।
ਐਲਨ ਮਸਕ ਨੇ ਮਾਈਕਰੋਸਾਫਟ-ਸਮਰਥਿਤ ਓਪਨਏਆਈ ਦੀ ਵੀ ਆਲੋਚਨਾ ਕੀਤੀ। ਮਸਕ ਨੇ ਕਿਹਾ ਕਿ “ਚੈਟਬੋਟ ਸੰਵੇਦਨਾ ਚੈਟਜੀਪੀਟੀ” ਬਣਾਉਣ ਵਾਲੀ ਫਰਮ ਨੇ “ਏਆਈ ਨੂੰ ਝੂਠ ਬੋਲਣ ਦੀ ਟ੍ਰੇਨਿੰਗ” ਦਿੱਤੀ ਹੈ ਅਤੇ ਕਿਹਾ ਕਿ ਓਪਨਏਆਈ ਹੁਣ ਮੁਨਾਫ਼ੇ ਲਈ ਇੱਕ “ਕਲੋਜ਼ਡ ਸੋਰਸ” ਪਲੇਟਫਾਰਮ ਹੈ ਜੋ “ਮਾਈਕ੍ਰੋਸਾਫਟ” ਨਾਲ ਨੇੜਿਓਂ ਜੁੜਿਆ ਹੋਇਆ ਹੈ।
ਐਲਨ ਮਸਕ ਨੇ ਗੂਗਲ ਦੇ ਸਹਿ-ਬਾਨੀ ਲੈਰੀ ਪੇਜ ‘ਤੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (ਏਆਈ) ਦੀ ਸੁਰੱਖਿਆ ਨੂੰ ਗੰਭੀਰਤਾ ਨਾਲ ਨਾ ਲੈਣ ਦਾ ਵੀ ਦੋਸ਼ ਲਗਾਇਆ ਹੈ। ਸੋਮਵਾਰ ਨੂੰ ਪ੍ਰਸਾਰਿਤ ਹੋਏ ਨਿਊਜ਼ ਚੈਨਲ ਦੇ ਇੰਟਰਵਿਊ ਵਿੱਚ ਮਸਕ ਨੇ ਕਿਹਾ ਕਿ ‘ਮੈਂ ਕੁਝ ਅਜਿਹਾ ਸ਼ੁਰੂ ਕਰਨ ਜਾ ਰਿਹਾ ਹਾਂ ਜਿਸਨੂੰ ਮੈਂ ‘ਟਰੂਥਜੀਪੀਟੀ’ ਜਾਂ ਵੱਧ ਤੋਂ ਵੱਧ ਸੱਚ-ਲੱਭਣ ਵਾਲੀ ਏਆਈ ਕਹਿੰਦਾ ਹਾਂ, ਜੋ ਬ੍ਰਹਿਮੰਡ ਦੀ ਪ੍ਰਕਿਰਤੀ ਨੂੰ ਸਮਝਣ ਦੀ ਕੋਸ਼ਿਸ਼ ਕਰਦਾ ਹੈ। ‘
ਉਨ੍ਹਾਂ ਅੱਗੇ ਕਿਹਾ ਕਿ TruthGPT’ ਸੁਰੱਖਿਆ ਦਾ ਸਭ ਤੋਂ ਵਧੀਆ ਰੂਪ ਹੋ ਸਕਦਾ ਹੈ, ਜਿਸ ਕਾਰਨ ਮਨੁੱਖਾਂ ਦੇ ਤਬਾਹ ਹੋਣ ਦੀ ਕੋਈ ਸੰਭਾਵਨਾ ਨਹੀਂ ਰਹੇਗੀ। ਮਸਕ ਨੇ ਕਿਹਾ ਕਿ ਇਹ ਦੇਰ ਨਾਲ ਹੀ ਸ਼ੁਰੂ ਹੋ ਰਿਹਾ ਹੈ। ਪਰ ਮੈਂ ਤੀਜਾ ਵਿਕਲਪ ਬਣਾਉਣ ਦੀ ਕੋਸ਼ਿਸ਼ ਕਰਾਂਗਾ।
ਇਹ ਵੀ ਪੜ੍ਹੋ : 18-4-2023 ਸ੍ਰੀ ਦਰਬਾਰ ਸਾਹਿਬ ਤੋਂ ਅੱਜ ਦਾ ਹੁਕਮਨਾਮਾ
ਇਸ ਪੂਰੇ ਮਾਮਲੇ ਤੋਂ ਜਾਣੂ ਲੋਕਾਂ ਦਾ ਕਹਿਣਾ ਹੈ ਕਿ ਐਲਨ ਮਸਕ ਓਪਨਏਆਈ ਦਾ ਇੱਕ ਨਵਾਂ ਮੁਕਾਬਜ਼ੇਬਾ ਏਆਈ ਸਟਾਰਅਪ ਸ਼ੁਰੂ ਕਰਨ ਲਈ ਗੂਗਲ ਤੋਂ ਏਆਈ ਦੇ ਖੋਜੀਆਂ ਨੂੰ ਆਪਣੇ ਕੋਲ ਬੁਲਾਉਣ ਲਈ ਲਗਾਤਾਰ ਕੋਸ਼ਿਸ਼ਾਂ ਕਰ ਰਹੇ ਹਨ। ਇੱਕ ਸਰਕਾਰੀ ਫਾਈਲਿੰਗ ਮੁਤਾਬਕ ਮਸਕ ਨੇ ਪਿਛਲੇ ਮਹੀਨੇ ਵਿੱਚ X.AI corp ਨਾਂ ਦੀ ਇੱਕ ਫਰਮ ਨੂੰ ਰਜਿਸਟਰਡ ਕਰਾਇਆ ਸੀ। ਫਰਮ ਵਿੱਚ ਮਸਕ ਨੂੰ ਇੱਕੋ-ਇੱਕ ਡਾਇਰੈਕਟਰ ਵਜੋਂ ਅਤੇ ਮਸਕ ਦੇ ਪਰਿਵਾਰ ਦਫਤਰ ਦੇ ਮੈਨੇਜਿੰਗ ਡਾਇਰੈਕਟਰ ਜੇਰੇਡ ਬਿਰਚੇਲ ਨੂੰ ਸੈਕਟਰੀ ਵਜੋਂ ਵਿਖਾਇਆ ਗਿਆ ਹੈ।