ਕਪੂਰਥਲਾ ਦੇ ਕਸਬਾ ਕਾਲਾ ਸੰਘਿਆਂ ਵਿੱਚ ਇੱਕ ਦੁੱਖਦਾਈ ਘਟਨਾ ਸਾਹਮਣੇ ਆਈ ਹੈ। ਟਾਂਵੀ ਸਾਹਿਬ ਰੋਡ ’ਤੇ ਰਹਿਣ ਵਾਲੀ 26 ਸਾਲਾ ਪ੍ਰੀਤੀ ਨੇ ਆਪਣੇ 3 ਸਾਲਾ ਪੁੱਤਰ ਪਰਵਿੰਦਰ ਸਿੰਘ ਨਾਲ ਮਿਲ ਕੇ ਅੱਗ ਲਾ ਕੇ ਆਪਣੀ ਜਾਨ ਦੇ ਦਿੱਤੀ।ਪ੍ਰੀਤੀ ਦਾ ਪਤੀ ਤਰਲੋਚਨ ਸਿੰਘ ਉਰਫ਼ ਸਨੀ ਲਗਭਗ 2 ਸਾਲ ਤੋਂ ਦੁਬਈ ਵਿਚ ਹੈ ਅਤੇ ਪ੍ਰੀਤੀ ਆਪਣੇ ਬੱਚੇ ਨਾਲ ਘਰ ਦੇ ਉੱਪਰੀ ਹਿੱਸੇ ਵਿੱਚ ਰਹਿ ਰਹੀ ਸੀ।
ਅੱਜ ਦੁਪਹਿਰ ਦੀ ਘਟਨਾ ਦੌਰਾਨ, ਮਾਂ ਦੀ ਮੌਤ ਮੌਕੇ ਤੇ ਹੋ ਗਈ ਜਦਕਿ ਬੱਚੇ ਨੇ ਹਸਪਤਾਲ ਲੈ ਜਾਂਦੇ ਸਮੇਂ ਦਮ ਤੋੜ ਦਿੱਤਾ।ਜਿਵੇਂ ਹੀ ਪੁਲਿਸ ਨੂੰ ਸੂਚਨਾ ਮਿਲੀ, ਚੌਂਕੀ ਇੰਚਾਰਜ ASI ਅਮਰਜੀਤ ਸਿੰਘ ਅਤੇ ਥਾਣਾ ਸਦਰ ਕਪੂਰਥਲਾ ਦੀ ਮੁਖੀ ਪ੍ਰਭਜੋਤ ਕੌਰ ਮੌਕੇ ‘ਤੇ ਪਹੁੰਚੇ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ। ਘਟਨਾ ਦੇ ਪਿੱਛੇ ਦੇ ਕਾਰਣਾਂ ਦੀ ਪੜਤਾਲ ਜਾਰੀ ਹੈ।