ਸੰਯੁਕਤ ਰਾਜ ਅਮਰੀਕਾ — ਅਮਰੀਕੀ ਜਾਂਚ ਏਜੰਸੀਆਂ ਨੇ ਇੱਕ ਅਜਿਹੇ ਅੰਤਰਰਾਸ਼ਟਰੀ ਗਿਰੋਹ ‘ਤੇ ਵੱਡੀ ਕਾਰਵਾਈ ਕੀਤੀ ਹੈ, ਜਿਸਨੇ ਟਰਾਂਸਪੋਰਟ ਅਤੇ ਲੋਜਿਸਟਿਕਸ ਖੇਤਰ ਨੂੰ ਨਿਸ਼ਾਨਾ ਬਣਾਉਂਦਿਆਂ ਕਰੋੜਾਂ ਡਾਲਰਾਂ ਦੀ ਵੱਡੀ ਧੋਖਾਧੜੀ ਨੂੰ ਅੰਜਾਮ ਦਿੱਤਾ। ਅਧਿਕਾਰੀਆਂ ਦੇ ਅਨੁਸਾਰ ਇਹ ਗਿਰੋਹ “ਸਿੰਘ ਆਰਗੇਨਾਈਜੇਸ਼ਨ” ਨਾਂ ਨਾਲ ਜਾਣਿਆ ਜਾਂਦਾ ਹੈ, ਜਿਸਦਾ ਜਾਲ ਕੈਲੀਫੋਰਨੀਆ ਤੋਂ ਲੈ ਕੇ ਵਾਸ਼ਿੰਗਟਨ ਤੱਕ ਫੈਲਿਆ ਹੋਇਆ ਸੀ।
ਫੈਡਰਲ ਅਧਿਕਾਰੀਆਂ ਨੇ ਦੱਸਿਆ ਕਿ ਗਿਰੋਹ ਨੇ ਨਕਲੀ ਟਰਾਂਸਪੋਰਟ ਕੰਪਨੀਆਂ ਖੜ੍ਹੀਆਂ ਕੀਤੀਆਂ ਅਤੇ ਮੁੱਲਾਂਵਾਨ ਸਮਾਨ ਦੀ ਢੁਆਈ ਦੇ ਠੇਕੇ ਲੈ ਕੇ ਉਸਨੂੰ ਰਾਹ ‘ਚ ਹੀ ਗਾਇਬ ਕਰ ਦਿੱਤਾ ਜਾਂ ਕਾਲੇ ਬਾਜਾਰ ਵਿੱਚ ਵੇਚ ਦਿੰਦੇ ਸਨ। ਇਸ ਕਾਰਵਾਈ ਨੇ ਅਮਰੀਕੀ ਟਰਾਂਸਪੋਰਟ ਉਦਯੋਗ ਨੂੰ ਵੱਡਾ ਆਰਥਿਕ ਨੁਕਸਾਨ ਪਹੁੰਚਾਇਆ ਹੈ।
ਗ੍ਰਿਫ਼ਤਾਰ ਹੋਏ ਪੰਜਾਬੀ ਮੂਲ ਦੇ ਮੁਲਜ਼ਮ
ਜਾਂਚ ਦੌਰਾਨ ਹੇਠ ਲਿਖੇ 12 ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ, ਜਿਨ੍ਹਾਂ ਦਾ ਸਬੰਧ ਮੁੱਖ ਤੌਰ ‘ਤੇ ਪੰਜਾਬੀ ਭਾਈਚਾਰੇ ਨਾਲ ਹੈ:
- ਪਰਮਵੀਰ ਸਿੰਘ
- ਹਰਪ੍ਰੀਤ ਸਿੰਘ
- ਅਰਸ਼ਪ੍ਰੀਤ ਸਿੰਘ — ਰਾਂਚੋ ਕੁਕਾਮੋਂਗਾ
- ਸੰਦੀਪ ਸਿੰਘ — ਸੈਨ ਬਰਨਾਰਡੀਨੋ
- ਮਨਦੀਪ ਸਿੰਘ
- ਰਣਜੋਧ ਸਿੰਘ — ਬੇਕਰਸਫੀਲਡ
- ਗੁਰਨੇਕ ਸਿੰਘ ਚੌਹਾਨ
- ਵਿਕਰਮਜੀਤ ਸਿੰਘ
- ਨਾਰਾਇਣ ਸਿੰਘ — ਫੋਂਟਾਨਾ
- ਬਿਕਰਮਜੀਤ ਸਿੰਘ — ਸੈਕਰਾਮੈਂਟੋ
- ਹਿੰਮਤ ਸਿੰਘ ਖਾਲਸਾ — ਰੈਂਟਨ, ਵਾਸ਼ਿੰਗਟਨ
- ਐਲਗਰ ਹਰਨਾਂਡੇਜ਼ — ਫੋਂਟਾਨਾ
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਹ ਸਾਰੇ ਲੋਕ ਆਪਸ ਵਿੱਚ ਮਿਲ ਕੇ ਇੱਕ ਸੋਚੀ-ਸਮਝੀ ਯੋਜਨਾ ਦੇ ਤਹਿਤ ਸਾਲਾਂ ਤੋਂ ਠੱਗੀ ਦਾ ਕਾਰੋਬਾਰ ਚਲਾ ਰਹੇ ਸਨ।
ਮੋਡਸ ਓਪਰੈਂਡੀ — ਕਿਵੇਂ ਕਰਦੇ ਸਨ ਵੱਡੇ ਪੱਧਰ ‘ਤੇ ਠੱਗੀ?
ਜਾਂਚ ਅਧਿਕਾਰੀਆਂ ਨੇ ਖੁਲਾਸਾ ਕੀਤਾ ਕਿ ਗਿਰੋਹ ਹੇਠਾਂ ਦਿੱਤੇ ਤਰੀਕੇ ਨਾਲ ਅਪਰਾਧ ਕਰਦਾ ਸੀ:
✅ ਨਕਲੀ ਟਰਾਂਸਪੋਰਟ ਕੰਪਨੀਆਂ ਦੀ ਰਜਿਸਟ੍ਰੇਸ਼ਨ
✅ ਉੱਚ-ਮੂਲ ਦੇ ਕਾਰਗੋ ਜਿਵੇਂ — ਇਲੈਕਟ੍ਰਾਨਿਕਸ, ਬ੍ਰਾਂਡਡ ਕੱਪੜੇ, ਮੋਬਾਈਲ ਐਕਸੈਸਰੀਜ਼ ਆਦਿ — ਦੀ ਢੁਆਈ ਲਈ ਠੇਕੇ ਲੈਣਾ
✅ ਗੁੱਡਜ਼ ਨੂੰ ਮੰਜ਼ਿਲ ਤੱਕ ਪਹੁੰਚਾਉਣ ਦੀ ਬਜਾਏ ਰਾਹ ਵਿੱਚ ਗਾਇਬ ਕਰ ਦੇਣਾ
✅ ਉਨ੍ਹਾਂ ਨੂੰ ਗੈਰ-ਕਾਨੂੰਨੀ ਚੈਨਲਾਂ ਰਾਹੀਂ ਵੇਚ ਕੇ ਨਫ਼ਾ ਕਮਾਉਣਾ
ਅਧਿਕਾਰੀਆਂ ਦਾ ਦਾਅਵਾ ਹੈ ਕਿ ਇਹ ਠੱਗੀ ਮੁਲ ਤੌਰ ‘ਤੇ ਉਸ ਸਿਸਟਮ ਦੀ ਕਮਜ਼ੋਰੀਆਂ ਦਾ ਫਾਇਦਾ ਚੁੱਕਦੀ ਸੀ, ਜਿਸ ‘ਤੇ ਟਰਾਂਸਪੋਰਟ ਕੰਪਨੀਆਂ ਭਰੋਸਾ ਕਰਦੀਆਂ ਹਨ।
ਅਗਲੇ ਕਦਮ — ਸਜ਼ਾ ਤੇ ਹੋਰ ਗ੍ਰਿਫ਼ਤਾਰੀਆਂ ਦਾ ਇੰਡੀਕੇਸ਼ਨ
ਫੈਡਰਲ ਜਾਂਚ ਏਜੰਸੀਆਂ ਨੇ ਇਸ਼ਾਰਾ ਕੀਤਾ ਹੈ ਕਿ:
- ਹੋਰ ਗ੍ਰਿਫ਼ਤਾਰੀਆਂ ਵੀ ਹੋ ਸਕਦੀਆਂ ਹਨ
- ਇਸ ਕਾਰਗੋ ਮਾਫੀਆ ਨਾਲ ਜੁੜੇ ਵੱਡੇ ਨਾਮਾਂ ਦੀ ਤਲਾਸ਼ ਜਾਰੀ ਹੈ
- ਅਪਰਾਧ ਦੇ ਆਰਥਿਕ ਲਾਭ ਦੀ ਰਿਕਵਰੀ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ
ਜੇ ਦੋਸ਼ ਸਾਬਤ ਹੋਏ ਤਾਂ ਸਾਰੇ ਮੁਲਜ਼ਮਾਂ ਨੂੰ ਅਮਰੀਕੀ ਕਾਨੂੰਨ ਅਨੁਸਾਰ ਲੰਬੀ ਕੈਦ ਅਤੇ ਭਾਰੀ ਜੁਰਮਾਨੇ ਦਾ ਸਾਹਮਣਾ ਕਰਨਾ ਪਵੇਗਾ।
ਕਮਿਊਨਟੀ ਵਿੱਚ ਚਰਚਾ — ਪ੍ਰਵਾਸੀ ਭਾਈਚਾਰੇ ਨੂੰ ਲੱਗੀ ਠੇਸ
ਪੰਜਾਬੀ ਕਮਿਊਨਟੀ ਵਿੱਚ ਇਸ ਘਟਨਾ ਤੋਂ ਬਾਅਦ ਕਾਫ਼ੀ ਨਿਰਾਸ਼ਾ ਤੇ ਚਰਚਾ ਦਾ ਮਾਹੌਲ ਹੈ।
ਲੋਕਾਂ ਦਾ ਕਹਿਣਾ ਹੈ ਕਿ ਕੁਝ ਲੋਕਾਂ ਦੀ ਲਾਲਚ ਦੀ ਕਾਰਨ ਪੂਰੇ ਭਾਈਚਾਰੇ ਦੀ ਸਾਖ ‘ਤੇ ਦਾਗ ਲੱਗਦਾ ਹੈ।